2011-06-04

عاش الملك \ بالدرجة المغربية


عاش الملك

عمر البلاد ماغاتقاد مادام نتوما فيها ..
اي وسلية جربنا معاكوم باش ماتفسدو فيها
كات كات كات خرجو فينا عيونكوم باش مانكملو عليها
من عام الفين وتونس مابقيناش منكم تانخافو ..
دبا جا الدورديالكم انتوما صحاب الفساد منا تخافو
حيت كاع مالين الباطل قدام الحق تايضعافو
تانخلعو هير بكلامنا .. تانخلعو هير بسلامنا
سلمية سلمية اديرو لي بغيتو تديرو لي
ماغاديش تسدو لي فمي .,, واخ تسبو لي فمي
ماتـتـسناش مني.. نسبك نسب امك ولا دينك ملي تسبني
ما نعايرش انا دينك
الاسلام ديني اودينك علمني نكون حسن منك
سلمية سلمية اديرو لي بغيتو تديرو في
ماغاديش تشوفني تانضرب .. ماغاديش تشوفني تانهرب
ولفنا الضرب فالقسم تعاشرنا فجدول الضرب
واخ ضربني مانضربك ..بالسلم والحق نحاربك
انا باقي حال بابي فاش انتا سديتي بابك
الشباب باقي عازب ماعندو لا مراة لا ولاد ماعندو على من يخاف
هذا يعني أنو اصلا مضيع كثر من لي غايخسرو
ولي بخدمتو بمراتو كرامتو كالجفاف
انا مواطن مغربي بارطاجيها انت وصحابك
انشرها فوسط حبابك
هاز الراية المغربية ملكنا الله ينصرو
على لي دايرين بيييه ماحدنا ماعرفنا سرو

لي نايض تايدوي على حقو .. ماشي خاييييييين
الخاين لي جالس ياكل بلادنا عاين باااااين
الحق راني تانقولو .. اوخايف هي من الله
عاش الملك عاش الشعب هذا لي بغيناه

باقي تايضرني خاطري .. ومنكم كلكم عايف
هانيا تجلدو لي ظهري .. من الله بوحودو خايف
انا .. مواطن .. مغربي تى الجذر
رباني امازيغي عربو الاسلام بيه مفتخر
دمي عربي جدي النبي حامد الله مامفتخر
تعمق اوعوم فكلامي ماتبقاش شاد هير فسطر
را الفرق ما بين الفتنة والفطنة حرف سطر مدور
بالعقل بالقلب قرب باش تعرفني علاش تانتهضر
نوض نوض ددافع على حقك اوحق كل محقور
الراجل فينا لي فوجه كل فاسد وظالم يثور
ويلا قالو لي قالو فحركة عشرين فبراير كاين
شلا انتهازي اوفاسق اوداك لي مغربنا خاين
هاذا ماشي عذر باش نتراجع نبقى تانتساين
وحنا اول من يحارب لي بغا يفرق البلاد
لي قسم مابين طنجة والكويرة غانردوه رماد
اوفنفس الموري مامفاكينش مع كاع صحاب الفساد

لي نايض تايدوي على حقو .. ماشي خاااااين
الخاين لي جالس ياكل بلادنا عاين باااااين
الحق راني تانقولو .. اوخايف هي من الله
عاش الملك عاش الشعب هذا لي بغيناه

ماكاينش لي تايقهرني .. قد داك لي ما واعي
تايحرق الحمر او تايرشي باش يدوز هو الاول
لاخور بالقانون تايشفر بالكسوة يلوي دراعي
بحال هذو فالشعب شحال كثار بلا تسول
لكن الى كانو هاذو بلا وعي بلا ضمير
مايستهلوش على قبلهوم هوما نأجلو حنا التغيير

ماكاينش لي تايقهرني .. قد داك لي ما واعي
عايش فوسط الذل ماعندو ريال تالكرامة
الخوف معشش فيه تاتايخاف من ظل صباعي
ماعارف حقوق ديالو ماعارف واجبات الامة
بحال هاذو فالشعب شحال شحال منهم كثير
لكن مايستاهلوش على قبلهوم ناجلو حنا التغيير
لي نايض تايدوي على حقو .. ماشي خاااااين
الخاين لي جالس ياكل بلادنا عاين باااااين
الحق راني تانقولو .. اوخايف هي من الله
عاش الملك عاش الشعب هذا لي بغيناه


هناك تعليق واحد:

  1. عاش الملك باللغة الإسبانية
    http://youssefbenahmed.blogspot.com/2011/09/blog-post.html

    ردحذف